नेपाली सिनेमा उद्योगमा प्रवेश गरेको २५ औं बर्षगाँठ र आफ्नो ५० औं जन्मदिन मनाउन राजेश हमाल अष्ट्रेलिया पुगेका छन् ।
केही दिनअघि मात्र बिबाह बन्धनमा बाँधिएका राजेश बिहे पार्टी सकिएपछि अष्ट्रेलियातिर लागेका हुन् ।
नेपाली टचले आगामी जुन ८ तारिख सिड्नीमा आयोजना गरेको बिशेष कार्यक्रममा उनी सहभागी हुनेछन् । जहाँ उनलाई सम्मानसमेत गरिने छ ।
युगदेखि युगसम्म फिल्मबाट नेपाली सिने उद्योगमा प्रवेश गरेका हमालले अहिलेसम्म करिव २ सय ५० फिल्ममा अभिनय गरिसकेका छन् । नेपाली सिने उद्योगले उनलाई महानायकका रुपमा सम्मान गरिसकेको छ ।
कार्यक्रममा सहभागी हुन हमालसँगै गायक राजेशपायल राई र गायिका अन्जु पन्त पनि अष्ट्रेलिया पुगेका छन् ।
उनीहरु त्यहाँ १५ दिनसम्म रहने बताइएको छ ।
Post a Comment