फेशन स्टूडियो उद्घाटनमा हट करिश्मा(फोटो फिचरसहित)

 

चर्चित फेसन डिजाइनर नीलिमा शर्माले काठमाण्डौको नयाँ बाँनेश्वरस्थित अल्फाविटा कप्लेक्समा फेशन स्टूडियो संचालनमा ल्याएकी छिन् । ‘नीलिमा फेशन स्टूडियो’को नायिका करिश्मा मानन्धरले दोश्रो पटक उद्घाटन गरेकी हुन् । यसअघि नीलिमाले काठमाण्डौ मलमा यो स्टूडियो संचालन गरिरहेकी थिइन् ।

नीलिमाको फेशन स्टूडियो उद्घाटन गर्न पुगेकी नायिका करिश्मा मानन्धर निक्कै हट देखिएकी थिइन् । छोटो वन पिसमा करिश्मा निक्कै खुलेकी थिइन् । करिश्माको चढ्दो उमेरमा पनि देखिएको सुन्दरताले धेरैलाई अचम्ममा पार्ने गर्दछ ।  नीलिमाले आफ्नो स्टूडियोमा फरक र बजारमा विरलै पाइने पहिरनहरु उपलब्ध भएको बताइन् । उनले यो स्टूडियोमा आफूले डिजाइन गरेका पहिरन भने नराखेको बताइन् । थाइल्याण्ड, हङकङ लगायतका देशहरुबाट ल्याइएका आकर्षक पहिरन नीलिमाको स्टूडियोमा भेट्न सकिन्छ । २ हजारदेखि ४० हजारसम्मका पहिरन यो स्टूडियोमा भेट्न सकिन्छ । उद्घाटन समारोहमा नायिका निशा अधिकारी पनि पुगेकी थिइन् ।