इण्डोनेसियाकाो माउन्ट सेन्ग्याङ अपी ज्वालामुखी पहाडबाट धुवाँको मुस्लो निस्केपछि उत्तरी अष्ट्रेलियाको डार्विन शहरबाट हुने हजारौं हवाइ उडान रद्ध गरिएको छ । शुक्रवारबाट निस्कन थालेको धुवाँको मुस्लो र खरानी अष्ट्रेलिया तर्फ उडिरहेका कारण उडानहरु रद्ध गर्नु परेको अधिकारीहरुले बताएका छन् ।
अधिकारीहरुले अव अन्य विमानस्थल समेत प्रभावित हुने सम्भावना रहेको बताएका छन् । विमान सेवा अवरुद्ध भएपछि हजारौं यात्रुहरु विभिन्न विमानस्थलमै अलपत्र परेका छन् ।
ज्वालामुखी विष्फोटनको दर बढिरहेको र लावा र खरानी निस्कने क्रम जारी रहेको स्थानीय अधिकारीहरुले बताएका छन् ।
Post a Comment