सेल्फीस बल्र्ड होइन : स्वार्थी मान्छे हुन ।

 

राजेन्द्र कार्की
सोनिका लामा शब्दहरुमा स्वर मात्र दिनु हुन्न । शब्द शब्दलाई बुँन्दै सुन्दर गीतको रचना गर्नु हुन्छ । रचनामा मिठो स्वरको पारख खोज्नु हुन्छ अनि सुरीलो स्वर दिनु हुन्छ । बहुप्रतिभाका धनी सोनीका यसै गर्नु हुन्छ । देब्रे हातको नाडीमा “ सेल्फीस वल्र्ड” अंकित ट्याटु बनाउनु भएकी सोनीको अहिले आएर संसार स्वार्थी होइन रहेछ संसारमा रहने मान्छे स्वार्थी हुँदा रहेछन भन्ने लागेको छ रे ।

यही स्वार्थी मान्छेहरुको भिडमा रहेर पौंठेजोरी खेल्दा खेल्दै दुइ दर्जन जति शब्दहरुलाई जतनका साथ गीतमा सृङ्गार गर्दै संगीत भर्नु भइसकेकी छिन भने त्यति नै संख्यामा स्वर पनि दिइ सक्नु भइसकेको छ । उहाँको शब्द अनि संगीतबद्ध कतिपय गीतहरु मलिना सोताङ्गले समेत स्वारंकन गरिसक्नु भएको छ । काभ्रको भैसेमा जन्मनु भइकी सोनिकाको एसएलसी सम्मको शिक्षा भने सिन्धुलीको सरस्वती उच्च मावीबाट गर्नु भएको हो । हजुर बुवा सोम बहादुर तामाङगबाट प्रेरित भएर सानै देखि मादल, डम्फु बजाउन सिक्नु भएकी उहाँ भने शौकको लागि मात्र गाउन थाल्नु भएको बताउनु हुन्छ ।

ब्यावसायीकरुपमा गीत संगीतको क्षेत्रमा लाग्न धेरै नै पापड बेल्ने पर्दछ भन्ने अनुभव सुनाउने उहाँले भने तिन वटा गीती एलबम स्रोता सामुु ल्याइसक्नु भएको छ । आधुनिक लोक दोहरी एल्बमहरु बेसहारा, कस्तो यो जवानी र हाल सालै मात्रै “सोनिको जवानी” स्रोता माझ बजारमा ल्याइसक्नु भएको छ ।