ओफा अवार्डको एक कार्यक्रममा करिश्मा
नायक राजेश हमालको बिहे पार्टीदेखि ‘ओफा अवार्ड’को नोमिनेशनमा परेकालाई प्रमाणपत्र वितरण हुँदै एक फेशन स्टूडियोको उद्घाटनसम्म । नायिका करिश्मा मानन्धर लगातार मिडियाको क्यामेरामा कैद छिन् ।
३ कार्यक्रममा करिश्माको पहिरन र गेटअप फरक भएतापनि कपालको शैली भने उस्तै छ । उनले आफ्नो कपाललाई ‘कर्ली’ बनाएकी छिन् । ‘कर्ली’ कपाल बनाएपछि करिश्माको सुन्दरतामा पनि फरकपन आएको छ ।
नायक राजेश हमालको बिहे पार्टीमा सहभागी हुँदै करिश्मा
अधिकांशले करिश्मालाई यो स्टाइल नसुहाएको बताइरहेका छन् । यही क्रममा नायिका मानन्धरले पनि आफूले कपाल बिगारेको बताइन् । ‘नीलिमा फेशन स्टूडियो’ उद्घाटनका लागि शुक्रबार अल्फाविटा कप्लेक्समा पुगेकी करिश्मा असजिलो मान्दै थिइन् । ‘३ पटकमा बल्ल यत्तिको भएको हो, २ पटक त कपाल अझै बिग्रिएको थियो’, करिश्माले आफै राज खोलिन् ।
नीलिमा फेशन स्टूडियोको उद्घाटनका क्रममा करिश्मा
करिश्माले ‘कर्ली’ कपाल बनाएर आफूलाई नसुहाएको अनुभव गरिसकेकी छिन् । तपाइलाई भने करिश्माको यो नयाँ अवतार कस्तो लाग्यो त ?
Post a Comment