काठमाडौं । भारतको महाराष्ट्रस्थित मुम्बईसँगै रहेको रायगढ जिल्लामा च्यारिटेबल ट्रष्टद्वारा सञ्चालित एक आवासीय विद्यालयमा नाबालिकामाथि यौन शोषण गरेको अभियोग लागेको छ ।
बच्चामाथि यौन शोषण गरेको आरोपमा प्रहरीले ट्रष्टका सञ्चालक र शिक्षिकालाई गिरफ्तार गरेको छ ।
चाइल्ड लाइन संस्था रायगढ जिल्लाका सञ्चालक अशोक जंगले बीबीसी हिन्दीसँगको कुराकानीमा मे २१ मा एक पीडित बच्चाले फोन गरेर उक्त संस्थामा यौन शोषण हुने गरेको बताएको जानकारी दिएका थिए ।
भारतीय जनता पार्टीको महिला मोर्चाकी महासचिव माधवी नाइकले प्रहरीलाई यस घटनाका छिटोभन्दा छिटो अनुसन्धान गरेर कडा सजाय गर्न माग गरेकी छन् ।
बालबालिकामाथि भएको यौन शोषणको बारेमा जिल्ला बाल कल्याण अधिकारीलाई जानकारी दिएपछि यसै महिना उक्त स्कुलमा छापा मारिएको थियो । पुणेमा मख्यालय रहेको उक्त संस्थाको स्कुल नेरलको एक गाउँमा रहेको छ ।
ट्रष्टका सञ्चालकले पुणेको एक पत्रिकामा विज्ञापन छपाएर पुणे जिल्लाका गरिबहरुलाई आफ्ना बच्चा पढाउनका लागि पठाउन भनेका थिए ।
Post a Comment