अब मोडलका आङमा पूरा कपडा ढाकिनु भनेको ग्ल्यामर र सेक्सी नहुनु

जमाना छोपेरभन्दा देखाएर चर्चामा आउनेको छ । अझ ग्ल्यामरको फिल्डमा त एक्सपोज अनिवार्य सर्तजस्तै मानिन्छ । नायिका वा मोडलका आङमा पूरा कपडा ढाकिनु भनेको ग्ल्यामर र सेक्सी नहुनु ठानिन्छ । तर 'द ब्लाइन्ड साइड' बाट ओस्कार अवार्डसमेत जितेकी नायिका सान्द्रा बुलक भने यस्तो मान्दिनन् । 'म सेक्सी देखिनैका लागि नांगिने काम गर्दिनँ,' ४८ वषर्ीया नायिका नग्नताले त बरु मजाकको काम मात्रै गर्ने तर्क गर्छिन् । तर यसलाई भने उनले फिल्ममा मात्रै लागू हने भएकोले वास्तविक जीवनमा भने

त्यस्तो नठान्ने
पनि जिकिर गरिन् । रिलिजको क्रममा रहेको 'हिट' की नायिका सान्द्राले थपिन्, 'म कहिल्यै पनि सिक्रिनमा सेक्सी देखिनुपर्छ भनेर लागि परिनँ ।' उनले 'हिट' मा पनि कुनै इन्टिमेट सिन नरहेको बताइन् । त्यसो त उनलाई व्यक्तिगत जीवनमा समेत यौन-संसर्गका बेला राम्री नदेखिने धारणा राख्दै सेक्स टेप पनि नबनाउने दाबी गर्छिन् । भन्छिन्, 'सेक्स गर्दाका समयलाई तपाईं फिल्मांकन गर्नुभयो भने ठीक गर्नुभएन । तपाईंलाई थाहा हुनुपर्छ, कुनै पनि बेला कसैको हातमा उक्त टेप पुग्न सक्छ ।' यसअघिको एक फिल्म 'द प्रपोजल' मा उनले नग्न दृश्य दिएकी थिइन् । तर उनले उक्त दृश्य केवल मजाकपूर्ण दृश्यका लागि मात्रै दिएको तर्क गरेकी छन् । भनिन्, 'मैले उक्त दृश्य सेक्सी देखिने लोभले गरेकी हैन ।'