मदिरा मन्दिर ‘बियर टेम्पल’ खुल्ने (सोमरस)

हामीकहाँ मन्दिर भनेपछि पुजाआजा गर्ने, मूर्तिमा दूध, फूल तथा फल चढाउने र स्तूती गर्ने पवित्र ठाउँ हो । शिवरात्रीमा पशुपतिमा झुम्मिने गँजडी बाबाहरुको सन्दर्भ छाड्ने हो भने मन्दिरमा नशालु पदार्थको प्रयोग बर्जित छ । तर विदेशतिर भने जँड्याहाहरुका लागि मन्दिर खोलिँदो रहेछ ।

बेल्जियमको ब्रसेल्समा यस्तै हुँदैछ । ब्रसेल्सको पूरानो स्टक एक्सचेन्ज भवनमा मदिरा मन्दिर ‘बियर टेम्पल’ खुल्ने पक्कापक्की भएको छ ।

समाचार अनुसार चर्चित ग्राण्ड प्लेस नजिकैको १९ औँ शताब्दीको उक्त भवनमा ‘बेलायती बियरको मन्दिर’ खुल्न लागेको हो । १५ महिनाको अध्ययनपछि सरकारी अधिकारीहरुले यो परियोजना संचालनका लागि हरियो बत्ती बालिदिएका बताइएको छ । तर यो मदिरा मन्दिर २०१८ सम्ममा मात्र पूर्ण रुपमा संचालनमा आउनसक्ने र वर्षेनी ४ हजार मदिराप्रेमीहरु त्यहाँ आउने अपेक्षा ब्रसेल्सका मेयरले गरेका छन् ।