“आशिकी २” की हिरोइन श्रद्धा कपुरले स्टन्टम्यानलाई छुरा हानेपछि

काठमाण्डौ, २९ वैशाख । फिल्म ‘आशिकी २’ बाट एकाएक चर्चामा आएकी नायिका श्रद्धा कपुरलाई फिल्म ‘एक था भिलेन’ को सुटिङको क्रममा उनले एक स्टन्ट म्यानलाई छुरा हान्दा सुटिङ स्पटमा ठुलै हंगामा भएको छ । रिअर्सलको क्रममा उनले स्टन्टम्यान माथि छुरा हानेकी थिइन् तर यसको परिणमले उनको होस् उडाएको थियो ।

उनलाई लागेको थियो रिअर्सल गर्ने क्रममा नक्कली छुराले ति स्टन्ट म्यानलाई हानेकी थिइन् । तर वास्तवमा पछि पो थाहा भयो छुरा साटिएको रहेछ । ति स्टन्ट म्यान रगताम्य भएका थिए ।
जब श्रद्धा कपुरले यसबारे जानकारी लिन सह निर्देशकसँग कुरा गरिन् तब उनको होस उडेको थियो । ‘छुरा साटिएको रहेछ थाहा नै भएन’ सह निर्देशकको यस्तो जबाफ सुनेकी श्रद्धा कपुर एकैछिन त केही सोच्नै सकेकी थिइन् ।

ति स्टन्ट म्यानलाई हाल हस्पिटलमा उपचार भइरहेको छ । एमटिभी इण्डियाले सेयर गरेको भिडियो अहिले भाइरल झै फैलिएको छ ।