मुम्बइ, बलिउड अभिनेता सलमान खान को नयाँ फिल्म ‘किक’ उनको बलिउड करिअरकै सबेभन्दा धेरै कमाइ गर्ने फिल्म सावित भएको छ । यस फिल्मले २०० करोड भन्दा धेरै रूपैयाँको कारोबार गरेको छ । यस फिल्मले अहिले सम्म २०३ करोड रूपैयाँको ब्यापार गरिसकेको छ ।
यस संगै सलमानले अमिर खान को 3 इडियट्सलाइ समेत पछारीदिएको छ । 3 इडियट्सले २०२ करोड रूपैयाँको ब्यापार गरेको थियो । यद्दपी, सलमान अमिरको धूम-3 को रेकर्ड भने तोड्न सकेको छैन । स्मरणीय छ, यस संगै सलमानको पहिलो फिल्म जुन २०० करोड क्लबमा प्रवेश गरेको छ ।
यस अघि सलमानको एक था टाइगर ले १९८ करोडको व्यापार गरेको थियो, त्यो फिल्म २०० करोड क्लबमा समावेश हुँदा हुँदै रोकिएको थियो । स्मरणीय छ कि यशराज ब्यानरमा निर्माण भएको फिल्म धूम-3 ले भारतीय बक्स अफिसमा २८० करोड रूपैयाँको कमाई गरेको थियो । कमाईको मामलामा अहिले सम्म यो फिल्म अगाडी नै रहेको छ । राकेश रोशनको निर्माण तथा निर्देशित फिल्म कृश-3 ले २४०.५० करोड रूपैयाँको कारोबार गरेको थियो ।
रोहित शेट्टी को निर्देशनमा बनेको फिल्म चेन्नई एक्सप्रेसले २२६.७० करोडको कमाइ गरेको थियो । यो पनि २०० करोड क्लबमा समावेश भएको थियो । यो शाहरूख को पहिलो फिल्म थियो, जसले २०० करोड भन्दा धेरैको कारोबार गरेको थियो ।
Post a Comment