४ सय घर भत्कीएको विबरण, १४ को मृत्यु...

दाङ ,१ भदौ
बाढीमा बेपत्ता भएका थप १ जनाको शव भेटिएपछि दाङमा बाढीमा बगेर ज्यान गुमाउनेको संख्या १४ पुगेको छ । राप्ती नदिले बगाएर बेपत्ता भएका लालमटिया ३ का ४५ वर्षिय चेत प्रसाद उपाध्यायको शव सिसहनियामा भेटिएको जिल्ला प्रहरी कार्यालय दाङले जनाएको छ । जिल्लामा बाढीमा परी अन्य ५ जना अझै बेपत्ता रहेका छन् ।

धर्ना देखी दक्षिण पश्चिमका डुरुवा, उरहरी, फुलवारी, गोल्टाकुरी, धनौरी, श्रीगाउँ, पन्चकुले, पवननगर र पुरन्धाराका गाउँहरुमा बबईमा आएको बाढी पस्दा घरबार बिहिन भएका स्थानीयहरु विभिन्न बिद्यालयको भवन र आफन्तीको घरमा आश्रय लिएर बसेका छन् ।

उनीहरु चाउचाउ, चिउरा, भुजा र नमकिनको भरमा घरमा पुरीएका सामानहरु निकाल्ने काममा दिनभर जुट्ने गरेका छन् । यसैबीच सल्यानको निगालचुलामा बाढि र पहिरोमा परी हारइरहेका मध्ये थप २ जनाको शव भेटिएको छ ।

स्थानिय भदाले खोलामा आएको बाढि र पहिरोमा परि हराइरहेका निगालचुला ७ भदालेका २ वर्षिय रिजन बुढा र आफन्तकोमा गएका लोक बहादुर बुढाका १५ वर्षिय छोराको शव भेटिएपछि ज्यान गुमाउनेको संख्या ५ पुगेको छ ।

जिल्लामा हाल ७ भन्दा बढि वेपत्ता रहेको जिल्ला प्रहरी कार्यालय सल्यानले जनाएको छ । यसैविच जिल्लाका सवै राष्ट्रसेवक कर्मचारीहरुले वाढि र पहिरो पिडितहरुका लागी एक दिन बराबरको तलव सहयोग गर्ने भएका छन् ।