१८ साउन, काठमाडौं ।भारतीय प्रधानमन्त्री नरेन्द्र मोदीको भ्रमणका लागि सवारी मन्त्री तोकिएका सञ्चारमन्त्री मीनेन्द्र रिजालले स्वागतका क्रममा देखाएको एउटा व्यवहारलाई लिएर सामाजिक सञ्जालमा आलोचना भएको छ ।
मोदीलाई स्वागत गर्ने क्रममा प्रधानमन्त्री सुशील कोइरालाले फूलगुच्छा दिएपछि फोटो सेसनका लागि मन्त्री रिजालले प्रधानमन्त्रीको पाखुरा नै समातेर अर्कोतिर सारेका थिए । त्यो दृश्य अशोभनीय देखिएको थियो ।
प्रधानमन्त्री भ्रमणका बेला सञ्चारमन्त्रीले गरेको त्यो गल्तीलाई लिएर भारतीय सञ्चारमाध्यमले दोहोर्याएर प्रसारण गरेका थिए । लगत्तै सामाजिक सञ्जालमा उनको आलोचना भएको छ । यसअघि चिनियाँ राष्ट्रपति बेन जियाबाओको भ्रमणका क्रममा परराष्ट्र मन्त्रालयका शिष्टाचार महापालले भुँडीमै समातेको घटना पनि त्यसरी नै विरोध भएको थियो ।
भिडियो हेर्न तल क्लिक गर्नुहोस :
Post a Comment