डन लाहुरे आगोमा, खै त ‘कल गर्ल’ नम्रता ?

चलचित्र ‘ताण्डव’को निर्माणपक्षले सिनेमाको पहिलो अनुहार सार्वजनिक गरेको छ । मोहन डोटेलको निर्माणमा तयार भएको यो सिनेमालाई मुर्रे केरले निर्देशन गरेका हुन् ।

चाडै नै प्रदर्शन मिति तय हुने सिनेमाको फष्ट लुकमा लाहुरे नामले परिचित आशिष रानालाई मात्र फिचरिङ गरिएको छ । चलचित्रमा नम्रता श्रेष्ठको पनि मुख्य भूमिका छ । तर उनी पोष्टरबाट गायब छिन् । निर्माणपक्षले सिनेमा चलाउनका लागि नम्रता भन्दा लाहुरेको क्रेजलाई ज्यादा महत्व दिएको हुनसक्छ ।

चलचित्रमा आशिष आगोको ज्वालाको विचमा बन्दुक ताक्दै उभिएका छन् । यही बर्ष प्रदर्शन हुने सिनेमालाई ड्रक्स र ग्याङस्टारको कथा भनिएको छ । सिनेमामा नायिका नम्रंता श्रेष्ठ ‘कल गर्ल’को भूमिकामा छिन् ।