छायांकनका केही तस्बिर सार्वजनिक गर्दै ‘अझै पनि’ यूनिटले प्रचारको सुरुवात गरेको छ । यो सिनेमाको छायांकन विगत १५ दिनदेखि काठमाण्डौको धर्मस्थली गाविसमा भइरहेको छ । चलचित्रलाई विशुद्ध गाउँले परिवेशमा बनाउने तयारी निर्माणपक्षले गरेको छ ।
चलचित्रमा निर्देशक सुदर्शन थापा मुख्य अभिनेताको रुपमा देखिएका छन् । उनको साथमा पुजा शर्मा, पुष्प खड्का, विशाल ढुंगाना, सुरक्षा पन्त, प्रमिला खनाल, विपना धिमालले सिनेमामा काम गरिरहेका छन् । चलचित्रलाई आलोक नेम्वाङले निर्देशन गरिरहेका छन् ।
आलोक आफ्ना अघिल्ला सिनेमामा भन्दा यसमा काम गर्न सहज भएको बताउँछन् । सिनेमालाई सुदर्शनको साथमा कष्ट्यूम डिजाइनर पुनम गौतमले मिलेर बनाएकी हुन् । राजेश श्रेष्ठको छायांकनमा तयार भैरहेको सिनेमामा चर्चित कलाकार विजय लामा पनि छन् । सिनेमाका यी तस्बिरले दर्शकको मनमा ‘अझै पनि’ प्रति कौतुहलता पक्कै पनि पैदा गर्नेछ ।
रियल लाइफमा नै प्रेमको चर्चाले घेरिएका सुदर्शन र पुजा रिल लाइफमा पनि एक अर्कासँग बाधिएका छन् ।
Post a Comment