आजबाट नेपाली सिने बजारमा एक नयाँ चलचित्र थपिएको छ । स्पार्क नामक सिनेमाको आज बिहान शुभसाइत गरिएको छ । अधिकांश नयाँ कलाकारको अभिनय रहने सिनेमाको शुभसाइतमा हिरोइन हिरोले आफ्नो चरित्रमाथि शंका गरेको संवाद बोल्दै थिइन् । जनक पाण्डेको निर्देशनमा बन्न लागेको सिनेमालाई शान्ती पोख्रेलले निर्माण गर्दैछिन् ।
चलचित्रमा एनी कुँवर, आर्यन श्रेष्ठ, रवि चौरेल, एलेक्स पाण्डे, सिम्पल खनाल, विपाशा श्रेष्ठको अभिनय रहनेछ । रामशरण उप्रेतीको छायांकन, कविराज गहतराजको नृत्य रहने सिनेमालाई कृष्ण अधिकारीले सह निर्देशन गर्दैछन् । चलचित्रको छायांकन जेठ २० गतेबाट सुरु हुने जानकारी शुभसाइत समारोहमा दिइयो ।
स्पार्कले आगोको झिल्को भन्ने अर्थ दिन्छ । आमा बुबा र छोराछोरीको उमेर अन्तरले आउने समस्यालाई सिनेमाले देखाउन खोजेको छ । सिनेमाको शुभसाइत समारोहमा निर्देशक यादव खरेल प्रमुख अतिथीको रुपमा उपस्थित थिए ।
Post a Comment