मिडिया हबले करिब ५० लाख नदिएपछि अढाई महिनादेखि रोकिएको चर्चित हाँस्य सिरियल ‘तितो सत्य’ को प्रशारण नियमित हुने भएको छ ।
‘बिहिबारदेखि नियमित नयाँ बिषयवस्तुको साथमाा सिरियल प्रशारण हुन्छ’, कलाकार दीपाश्री निरौलाले बताइन् । दीपाको घर पुजामा मिडिया हबका प्रमुख सोम धिताल उपस्थित भएपछि नयाँ सम्बन्ध कायम भएको हो । दीपाले पुजाले नै कमाल गरिदिएको बताइन् । विगत साढे २ महिनादेखि ‘तितो सत्य’ दोहोरिदै आएको थियो ।
५० लाख मध्ये निर्माता तथा निर्देशक दीपकराज गिरीले १० लाख छोडिदिएका छन् । मिडिया हबले तिर्नुपर्ने ४० लाख मध्ये २० लाख दिएको छ र बाँकी रकम जेठ १५ सम्म दिने बताएको छ ।
सिरियल छायांकन गर्न नपाउँदा आफूहरु पनि दिक्क भएको दीपाले बताइन् । ‘तितो सत्य’ नेपाली टेलिभिजनमा सर्वाधिक टीआरपी भएको हाँस्य सिरियल हो ।
Post a Comment