भूवन पूर्वपत्नी सुस्मिता भारतीय व्यापारीसँग बिहे गर्दै

फाइल तस्बिर : नायक भूवन केसीसँग सुस्मिता

भूवन केसीसँग टाढा भएपछि एक्लै रमाउँदै आएकी कलाकार सुस्मिता बमजम भारतीय व्यापारीसँग बिहेको तयारीमा लागेको वुझिएको छ । भारतीय उद्योगपती सोहन जैसवालसँग उनले बिहे गर्न लागेकी हुन् । उनीहरु हाल प्रेम सम्बन्धमा छन् ।

जैसवालको लगानीमा एक सिनेमाको निर्माण हुँदैछ । जुन सिनेमाको छायांकन सकिएलगतै उनीहरु बैबाहिक जीवनमा बाँधिने बताइएको छ । जीवनमा एकजना साथी चाहिने भन्दै सुस्मिताले डेढ बर्षदेखि जैसवालसँग आफू प्रेममा रहेको बताएकी छिन् । यो सिनेमाको निर्देशन पनि सुस्मिता आफैले गर्ने बुझिएको छ ।

यता सुस्मिता पूर्वपति नायक भूवन केसी पनि एक नयाँ सिनेमाको निर्देशनमा कस्सिएका छन् । तर सुस्मिताले भूवनलाई च्यालेन्ज दिन सिनेमा बनाउन नलागेको जनाएकी छिन् । सुस्मिता र सोहन गतमहिना भारतमा डेटमा रमाएका थिए । सुस्मिताले पूर्व पति भूवन केसीसँग मिलेर अभिनय तथा निर्माण गरेका ‘म तिमी विना मरिहाल्छु’, ‘करोडपति’, ‘नेपाली बाबु’ जस्ता सिनेमा चर्चामा छन् ।