गायक प्रमोद खरेल यतिबेला क्यानडा पुगेका छन् । विदेशमा पुगेर कार्यक्रम गर्ने थोरै मात्र नेपाली कलाकारमा खरेल पनि पर्छन् । वुद्ध जयन्तीको अवसर पारेर आयोजना गरिएको कार्यक्रम ‘हामी नेपाली’का लागि प्रमोद क्यानडा पुगेका हुन् । ‘हामी नेपाली टोरन्टो क्यानडा’ले आयोजना गरेको कार्यक्रम साकभिल हलमा भएको थियो । ५ सय भन्दा धेरै दर्शकले भरिएको हलमा प्रमोदले गीत गाउँदा चर्को हुटिङ समेत आयो ।
क्यानडामा रहेका गायक प्रमोद खरेलले अनलाइनखबरलाई कार्यक्रम निक्कै सफल भएको जानकारी दिएका छन् । ‘जहाँ छन् वुद्धका आखा’ बोलबाट प्रमोदले आफ्नो प्रस्तुती सुरु गरेका थिए । यसपश्चात उनले ‘जती माया’, ‘मलाई जसले पनि’, ‘हंगामा भो’, ‘कन्ट्रोल हुँदैन’, ‘म विना कसैकसै’लाई लगायतका १ दर्जन गीत गाएका थिए ।
कार्यक्रममा विगत १ महिनादेखि क्यानडामा नै रहँदै आएका गायक धिरज राई अतिथीको रुपमा रहेका थिए । क्यानडामा नै रहेका लोकगायक वुद्धीसागरले पनि आफ्ना चर्चित गीतहरु गाएका थिए । गायक प्रमोद खरेलले क्यानडामा नै अर्को कार्यक्रम जुन १ मा गर्नेछन् । जुन २ मा नेपाल र्फकने प्रमोदको भनाई छ ।
Post a Comment