विश्वप्रसिद्द भारतीय संगीतकार एआर रहमानको अमेरिकास्थित लस एन्जल्समा रहेको घरमा तोडफोड भएको छ । एआर रहमान स्वयम् आफ्नो घरमासोमबार तोडफोड भएको सूचना फ्यानहरूलार्इ दिएका छन् ।
संगीतकार रहमानको घरमा किन र कसले तोडफोड गर्यो भन्ने कुरा भने पत्ता लागेको छैन । रहमानले उनको फेसबुकमा पोष्ट गरेको फोटोमा पनि उनको घरको भित्तामा कालो अक्षर लेखिएको देखिन्छ । उनले घर तोडफोड भएको सन्देश फेसबुकमा पोष्ट गरेपछि उनको पक्षमा लाखौं फ्यानले आवाज उठाएका छन् ।
सन् २००९ मा फिल्म ‘स्लडग मिलेनियर’ मा दिएको संगीतका लागि ओस्कार जित्न सफल रहमानले पछिल्लो समय हलिउडका फिल्ममा पनि संगीत दिने गरेका छन् । हालैमात्र उनले हलिउडको फिल्म ‘मिलियन डलर आर्म’ मा संगीत दिएका छन् ।
Post a Comment