विश्वका धनी कलाकारको सूचीमा बलिउड अभिनेता शाहरुख खान दोस्रो नम्बरमा परेका छन् । खानले हलिउड अभिनेता टम क्रुज र जोनी डीपलाई पछि पार्दै दोस्रो स्थानमा आएका हुन् ।
बिश्वका धनी कलाकार सूची सार्वजनिक गर्ने वेल्थ एक्सले बुधबार सार्वजनिक गरेको सूचीमा भारतीय सिने उद्योगबाट उत्कृष्ट १० पर्ने शाहरुख एक्ला हुन् ।
करिव ६० करोड अमेरिकी डलर सम्पत्ति भएका साहरुखले अहिलेसम्म ५० वटा फिल्ममा अभिनय गरिसकेका छन् । आइपीएल समूह कोलकाता नाइट राइर्डसका समेत मालिक रहेका खान राम्रा बंगला जोडन शौखिन मानिन्छन जसले मुम्बईको मन्नतदेखि दुबईसम्म अलिसान महल जोडेका छन् ।
पछिल्ला तीन फिल्ममा काम गर्दा भएको आम्दानीले उनलाई वेल्थ एक्स सूचीको दोस्रो नम्बरमा पु¥याएको हो ।
उक्त सूचीको पहिलो नम्बरमा कमेडियन जेरी सेनफिल्ड रहेका छन् । त्यस्तै तेस्रो स्थानमा टम क्रुज छन् भने चौथो स्थानमा टायलर पेरी र पाँचौ स्थानमा डीप रहेका छन् ।
सूचीमा ओस्कार अवाड विजेता ज्याक निकोल्सन, टक ह्याक, क्लिन्ट इस्टउडलगायतका कलाकारहरु रहेका छन् ।
Post a Comment