चलचित्र पत्रकार संघले आज काठमाण्डौमा एक कार्यक्रमको आयोजना गर्दै भव्य रुपमा ‘१५ औं चलचित्र पत्रकारिता दिवस’ मनाएको छ । संघ दर्ता भएको दिन जेठ ७ लाई चलचित्र पत्रकारिता दिवसको रुपमा मनाउँदै आइएको छ ।
चलचित्र पत्रकारिता दिवसको अवसरमा ‘चलचित्र पत्रकारिता पुरस्कार र सम्मान’ पनि वितरण गरिएको छ । जसअन्र्तगत ‘चलचित्र पत्रकारिता सम्मान’बाट चर्चित रंग पत्रकार विदुर गिरी सम्मानित भएका छन् । उनलाई दोसल्ला, सम्मानपत्र र विभिन्न गिफ्ट ह्याम्परबाट सम्मानित गरिएको थियो
य ‘चलचित्र पत्रकारिता पुरस्कार’बाट दुई चर्चित रंग पत्रकार कृष्ण भट्टराई र राज श्रेष्ठलाई पुरस्कृत गरियो । उनीहरुलाई १५ हजार ५ सय ५५ रुपैयाँ, पुरस्कार पत्रका साथमा थुप्रै गिफ्ट ह्याम्पर मार्फत पुरस्कृत गरिएको हो । नेपाली सिनेमाकै पहिलो नायिका भूवन चन्द, चर्चित कलाकारद्धय बसुन्धरा भुषाल र चैत्यदेवी कार्यक्रममा प्रमुख र विशेष अतिथीको रुपमा उपस्थित थिए य।
यस्तै कार्यक्रममा नेपाली सिनेमा सम्बन्धी विभिन्न संघसंस्थाका प्रतिनिधी, चलचित्र क्षेत्रका चर्चित नायिकाहरु सहभागी थिए । कार्यक्रम निक्कै भव्य रुपमा सम्पन्न भएको उपस्थित पाहुनाहरुले प्रतिक्रिया दिए । कार्यक्रममा चलचित्र पत्रकारिता दिवसको अवसर पारेर केक पनि काटिएको थियो । यस्तै, चलचित्र पत्रकार संघको नयाँ वेभसाइट पनि सुरुवात गरिएको घोषणा गरियो । यस्तै यो बर्षको क्यालेन्डर पनि चलचित्र पत्रकार संघले सार्वजनिक गर्यो ।
Post a Comment