गहिरो मायामा परेकी सम्पदाले प्रेमीलाई नपाएपछि

यतिबेला संचारकर्मीहरुभिडियो निर्देशनमा निक्कै अग्रसर हुन थालेका छन् । यही क्रममा चलचित्र पत्रकारिता गर्दै आएका रंग पत्रकार दयाराम घिमिरे पनि म्यूजिक भिडियो निर्देशनमा देखिएका छन् ।

उनले निर्देशन गरेको पहिलो म्यूजिक भिडियोको छायांकन बिहिबार गरिएको छ । ‘तिमीले मेरो इन्द्रधनुषी सपना माग्यौ’ बोलको गीतको भिडियोको निर्देशन घिमिरेले गरेका हुन् । ‘सानु’ एल्बममा समावेश यो गीतमा तेनहाङ राइको संगीत, राजेश विद्रोहीको शब्द, शिव परियारको स्वर छ ।