आजबाट देशभरका हलमा एकसाथ प्रदर्शनमा आएको बहुप्रतिक्षित चलचित्र ‘आवरण’को बिहिबार बेलुकी काठमाण्डौको जय नेपाल हलमा विशेष शो गरियो ।
सुवास कोइरालाले निर्देशन गरेको सिनेमालाई अनिल योञ्जनले निर्माण गरेका हुन् । आज प्रदर्शनमा आएका अन्य ३ सिनेमा भन्दा ‘आवरण’ महत्वकांक्षी बनेको छ । जसका कारण पनि ‘आवरण’ हेर्न पत्रकारदेखि अन्य चलचित्रकर्मी आतुर देखिएका थिए ।
‘आवरण’ एक सस्पेन्स थ्रिलर सिनेमा हो । जसमा केही नयाँ प्रयोगहरु गर्न खोजिएको छ । नेपाली सिने बजारमा भूतले तर्साउने सिनेमा त बनेका छन् तर साह्रै फिक्का । ‘आवरण’ले यसलाई केही हदसम्म चिर्न खोजेको छ ।
चलचित्रको मुख्य भूमिकामा नायिका प्रियंका कार्की छिन् । जसले सिङ्गो सिनेमा बोक्ने अभिभारा लिएकी छिन् । तर प्रियंकाका लागि ‘आवरण’को काम ठूलो चुनौती र मौका थियो, जसलाई पुरा गर्न यी चल्तिकी नायिका थोरै मात्र सफल छिन् ।
यसअघि ‘अपवाद’ बनाएका सुवास कोइरालाका लागि ‘आवरण’ चुनौतीपूर्ण थियो । सिनेमाले एक घरको कथा बोल्छ । घर भित्रको राज र नायिका कार्कीमा आउने विभिन्न खालका परिवर्तन सिनेमाको मुख्य कथा हो ।
‘आवरण’ले दर्शकलाई कत्तीको तर्साउला त, त्यो त बक्स अफिस कलेक्शनले नै थाहा हुनेछ ।
Post a Comment