नछुट्टिने रेखा र सुदर्शन, यो कस्तो प्रेम ?

नायिका रेखा थापा र क्यानडा बस्दै आएका सुदर्शन गौतम विचको प्रेम चर्चा गसिप बजारका लागि अब नयाँ रहेन । रेखाले पनि बारम्बार आफ्नो फेसुबक पेजमा दुई जनाको तस्बिर सार्वजनिक गरिरहेकी छिन् । उसो त उनको यो आफ्नो नयाँ चलचित्रको प्रचार गर्ने शैली पनि हुनसक्छ ।

तर शनिबार आयोजना भएको ‘बक्स अफिस फिल्म अवार्ड’मा पनि रेखा र सुदर्शन एकसाथ देखिए । दुबै हात नभएपनि साहसिक काम गर्दै आएका सुदर्शनबाट रेखा प्रभावित छिन् । जसका कारणले पनि उनले आफ्नो चलचित्र ‘हिम्मतवाली’मा सुदर्शनलाई हिरो बनाएको सबैलाई थाहा नै छ ।  रेखा र सुदर्शन अवार्ड समारोहमा पुग्दै गर्दा निक्कै आकर्षक देखिए । बारम्बार चर्चामा आएपनि सँगै नदेखिएको यो जोडीलाई एकसाथ देख्दा मिडियाका क्यामेरा पनि सोझिए । अन्य कार्यक्रममा भन्दा रेखा यो अवार्ड समारोहमा सालिन देखिएकी थिइन् । रेखाले सारी लगाएकी थिइन् भने सुदर्शनले कोर्ट पाइन्ट लगाएका थिए । अवार्ड अवधिभर दुबै जना एकसाथ नै रहे । कार्यक्रममा रेखाको नयाँ प्रेमी भन्दै हेर्नेहरुको पनि कमी थिएन ।