प्रहरीविरुद्ध चर्को रुपमा लागेकी दीनेश अधिकारी ‘‘चरी’ की प्रेमिका खुश्वु ओलीलाई प्रहरीले सम्पत्ति छानविनमा फसाउने भएको छ । खुश्वुले प्रहरीविरुद्ध जाहेरी तयार गर्नु, प्रहरीको नाम किटान गर्नु तथा प्रहरीले चरीको हत्या गरेको विषयलाई अतिरञ्जित तवरले निरन्तर रुपमा उठाउनु लगायतका विषयले प्रहरी संगठन खुश्बुको विरुद्धमा छ । प्रहरीले खुश्वु बसेको धापाखेलस्थित सिभिल होम्सभित्रको घरमा चरीको लगानी रहेको भन्दै उक्त घर छानविन सुरु गरेको छ ।
त्यसैगरी प्रहरीले खुश्वुकी पूर्व प्रेमिका अर्पणलाई समेत साथ लिएर अर्पणबाट खुश्वुले लगेको गाडी लगायतका सम्पत्ति खुश्वुवाट खोस्ने तयारी गरेको छ । त्यसैगरी चरीले विभिन्न व्यपारीवाट असुलेको रकममध्ये प्रमाण भएसम्मको सबै रकम खुश्वुवाट असुल्ने योजना बनाएको छ । प्रहरीले सम्पत्ति शुद्धिकरण अनुसन्धान विभागसँग मिलेर अन्य खुश्वुको सम्पत्ति छानविन गर्न लागेको छ । खुश्वुको घर व्यापारिक समुहबाट रकम ठगेर किनिएको भन्दै प्रहरीले खुश्वुको घर, गाडी, सबै सम्पत्ति फिर्ता गर्ने योजना बनाएको बताइएको छ । प्रहरीले व्यापारीक घराना अमित मित्तललाई पनि साथमा लिएको छ ।
सारा सम्पत्ति खोसेर सडकमा ल्याउने योजना
प्रहरी संगठन विरुद्धमा उत्रिएपछि चरीकी प्रेमिका खुस्बु आर्थिक संकटमा पर्ने देखिएकी छन् । खुस्वुले विभिन्न व्यवसायीसँग लिएको रकम ती व्यवसायीहरुले सुरक्षाकर्मीको आडमा कुनै पनि ढंगले लिने योजना बनाएका छन् । गृहमन्त्री वामदेव गौतमले संसदमा चरीको हत्या नभएको र उनी इन्काउन्टरमै मारिएको जवाफ दिइसकेका कारण खुश्वु र उनी पक्षधर कमजोर भएका छन् । यही मौकामा प्रहरीले खुश्वुको सबै सम्पत्ति चरीले जोडिदिएको भन्दै उनको सम्पत्तिमाथि छानविन सुरु गरेको छ ।
यसअघि अर्पणको सहायतामा न्यूरोडका ब्यापारी अमित मित्तललाई चरीले ५० लाख ठगी गरेको कुरा बाहिर आएको थियो । सापटको नाममा लिएको रकम फिर्ता नदिएपछि मित्तलले प्रहरीमा जाने बताएपछि मोडल ओलीले आफ्नो ब्याईफ्रेन्ड चरीलाई प्रयोग गरी मित्तललाई थर्काउन लगाएको भन्दै यतिवेला मित्तल प्रहरीको आडमा गएका छन् । मित्तलको पैसा खुश्वुको सम्पत्तिबाट दिलाइदिने प्रहरीले बताएको छ । यसकारण मित्तलले खुश्वु विरुद्ध प्रहरीलाई सहयोग गरेका छन् ।
उता खुश्वुका पूर्व पे्रमिका अर्पण कोइरालाले पनि खुश्वु विरुद्ध प्रहरीलाई सहयोग गरेका छन् । अर्पण कोइरालाको नाममा रहेको गाडी समेत ओलीले बैंकबाट लिलामको फर्जि कागजात तयारपारी आफ्नो नाममा नामसारी गरेको भन्दै अर्पण गाडी लिने दाउमा प्रहरीको शरणमा छन् । यसअघि नै कोइराला गाडी उपलब्ध गराईदिनु पर्यो भन्दै एसएसपी रमेश खरेलको शरणमा पुगेका थिए ।
चंडोलस्थित खुश्वुको घरबाट प्रहरीले गाडी बरामद गरेर हनुमानढोका ल्याएको थियो । तर खुश्वुले उक्त गाडी कोइरालाको नभई आफूले बैंकबाट लिलाम सकारेको दाबी गर्दै बागमति अञ्चल यातायात कार्यालयबाट जारी बिलबुक एसएसपी खरेलको अगाडी पेश गरेपछि खरेलले गाडी फिर्ता गराएका थिए । खुश्बुको मायाँमा पागल भएका कोइरालाले आफूसँग बाँकी रहेको गाडी पनि खुश्वुले कब्जा गरेपछि हिस्स भएका थिए । तर यतिवेला भने खुश्वुका विरुद्ध प्रहरी लागेका कारण कोइरालाले पनि गाडी पाउने आश गरेका छन् ।
Post a Comment