बालकलाकारका रुपमा नेशनल अवार्ड जितेकी नायिकाको यौनधन्दासम्मको यात्रा

भन्छिन्, म मात्र होइन धेरै अभिनेत्री छन् मुम्बई (एजेन्सी) फिल्म अभिनेत्री श्वेता बासु प्रसादलाई हैदराबाद पुलिसले एक सेक्स र्याकेटमा संलग्न भएको अरोपमा पक्राउ गरेको छ ।

सन् २००२ मा शबाना आजमीको चर्चित फिल्म मकडीमा बालकलाकारको भूमिकामा श्वेताले निकै लोकप्रियता हासिल गरेकी थिइन् । यसमा उनले गरेको शानदार अभिनयको लागि बेस्ट चाइल्ड आर्टिस्टका रुपमा नेशनल फिल्म अवार्ड जितेकी थिइन् । यसपछि उनी टिभी सिरियल कहानी घर घर की र करिश्माका करिश्मा पनि देखिएकी थिइन् । उनले बलिवुडमा इकबाल र डरना जरुरी हे नामक चलचित्रमा काम गरेपनि पछि साउथ फिल्म इन्डस्ट्रीमा काम गर्न थालिन् । भारतीय संचार माध्यमका अनुसार श्वेतालाई हैदरावाद प्रहरीले शहरको बंजारा हिल्स एरियाको एक चर्चित होटलमा गरिएको रेडका क्रममा रंगे हात पक्रेका थिए । प्रहरी स्रोतले उक्त होटलमा सेक्स र्याकेट संचाल गर्ने गरिएको खबर दिएपछि त्यहाँ प्रहरीले छापा मारेको थियो । यसअघि पनि श्वेता तेलगु च्यानलमा गरिएको एक स्टिंग अपरेसनमा आपत्तिजनक अवस्थामा भेटिएकी थिइन् । यसबारेमा श्वेताले यस्तो जवाफ दिइन्ः मैले मेरो करियरमा धेरै गलत विकल्पहरु रोजें जसले गर्दा मसँग पैसा कमी भयो । मैले मेरो परिवारलाई पनि हेर्नुपर्छ र केही राम्रो कामलाई पनि हेर्नुपर्छ । जब सबै ढोकाहरु बन्द भए अरुले मलाई यौनधन्दामा आउन भने । म असहया थिएँ र मसँग अन्य कुनै विकल्प बाँकी थिएन । म मात्र होइन यस क्षेत्रका अन्य अभिनेत्री पनि यही समस्याबाट पीडित छन् । धेरै यस दौरबाट पार भइसकेका छन् ।

भिडियो हेर्न यहाँ क्लिक गर्नुहोस >