अंग प्रदर्शन गरेर चर्चामा आउनु छैन

हमेशा', 'मधुमास' लगायत करिब एक दर्जन चलचित्रमा स–साना भूमिका निर्वाह गरेकी मधुमल्ला मोरङकी २१ वर्षीया नमिता खड्का म्यूजिक भिडियोमा ब्यस्त रहेकी छिन् । सानैदेखि कलाकारिता क्षेत्रमा स्थापित हुने सपना देखेर विगत तीन वर्षदेखि यस क्षेत्रमा क्रियाशिल नमिता यतिबेला म्युजिक भिडियोहरुमा निकै व्यस्त देखिएकी छिन् । 'चलचित्रमा अनुबन्धित हुनुप¥योे भन्ने त थुप्रै निर्देशकहरुबाट अफर आउँछ,' नमिता सुनाउँछिन्, 'पारिवारिक पृष्ठभूमि समेटिएको चलचित्रहरु अनि परिवारका सदस्यहरु बसेर हेर्न मिल्ने चलचित्रमा अभिनय गर्ने चाहना छ ।' पछिल्लो समय कथाले मागेको भन्दै 'ग्ल्यामर' को नाममा भल्गारिटीलाई प्राथमिकता दिन थालिएको उनी सुनाउँछिन् । त्यस्तै समाजमा अपाच्य दृश्यहरु सार्वजनिक गरेर 'हाईलाईट' हुन खोज्नेहरु अनावश्यक चर्चा कमाउने बाहेक कसैको नजरमा राम्रो नबन्ने भन्दै भल्गारिटीको विपक्षमा आफू रहेको नमिताको भनाई छ । आधा दर्जन भन्दाबढी म्युजिक भिडियो, सटमूभि तथा विभिन्न विज्ञापनमा अभिनय गरिसकेकी नमिता खड्कासँग हाम्रा साथी सरोज बस्नेतले गरेको यो छोटो कुराकानीः

अहिले के मा ब्यस्त हुनुहुन्छ ?
– म्यूजिक भिडियो लगायतमा ब्यस्त रहेको छ ।

कसरी कलाकारिता क्षेत्रमा आउनु भयो ?
– सानैदेखि कलाकारिता क्षेत्रमा जम्ने लक्ष्य थियो । त्यही कलाकारिताको मोहले मलाई तान्यो । त्यसपछि अभिनयको प्रशिक्षण लिएर यस क्षेत्रमा आएकी हुँ ।

 नेपाली कलाकारिता क्षेत्र कस्तो लागिरहेको छ ?
– राम्रो लाग्छ । कलाकारिता क्षेत्रलाई अझै ब्यवस्थित र मर्यादित बनाउन आवश्यक छ जस्तो लाग्छ ।

कसको प्रेरणाले अघि बढ्ने हौसला मिल्यो ?
सानोमा चलचित्रहरु हेर्दा कलाकारिताको 'भूत' चढ्यो ।  त्यसैले नै केही गरौँ भनेर यो क्षेत्रमा आएकी हुँ । पहिलेबाट नै मेरो एउटा स्थापित कलाकार बन्ने सपना थियो, कलेज पढ्दै गर्दा एउटा गीतमा अफर आयो । त्यसमा मोडलिङ गरेपछि धेरै बाटोहरु खुले र सपोर्टहरु पनि धेरै पाइरहेको छु ।

महिला कलाकारलाई यस क्षेत्रमा अलि गाह्रो छ भन्छन् नि ?
– आफूमा एउटा प्रतिभा छ भने त्यस्तो गाह्रो छैन् । कसैको लहैलहैमा लागेर यस क्षेत्रमा लाग्नु भन्दा अभिनय सिकेर दक्ष भएर आउन आवश्यक छ । सहि गलत छुट्याएर अगाडि बढ्नुपर्छ ।

नेपाली चलचित्रमा अंग प्रर्दशन गरेर चर्चामा आउने होड चलेको छ, तपाई कथाले कतिसम्म माग्यो भने दिन सक्नुहुन्छ ?
–कथाले माग्यो भन्दैमा अङ्ग प्रदर्शन गरेर चर्चामा आउने मेरो रहर छैन । चर्चामा आउनेभन्दा पनि स्थापित कलाकारको रुपमा स्थापित हुने मेरो चाहना छ । त्यसकारण परिवारसँग बसेर हेर्न सक्ने र समाजले पचाउन सक्ने चरित्र मलाई सुहाउँछ ।

समाजले कतिसम्म पचाउँछ जस्तो लाग्छ ?
– युवा पुस्ताले अलि भल्गर नै रुचाउँछन् । तर पुरानो पुस्तालाई पनि त हामीले ध्यान दिनुपर्छ । हाम्रो पनि घरपरिवार हुन्छन्, उनीहरुसँग बसेर हेर्न सक्नुप¥यो ।  मैले अहिलेसम्म भल्गर सिन दिएको छैन । तर छोटा कपडामा भने आएकी छु । नाङ्गिदैमा केहि हुने होईन । कथाले मागे अनुसार त जानुपर्छ तर कत्तिको भन्ने कुरामा भने आफै विचार गर्नुपर्छ ।

सेक्सको विषयमा तपार्इंको धारणा के ?
– सेक्स मानव जीवनमा अति आवश्यक छ । यसो भन्दैमा जहाँ पायो त्यही, जतिबेला मन लाग्यो त्यतिबेला हुने कुरा पनि होइन । यसलाई सामान्य रुपमा लिनु चाहिँ हुँदैन जस्तो लाग्छ ।

बिहे अगाडिको सेक्सलाई कसरी लिनुहुन्छ ?
    – म चाँही बिहे अघिको सेक्सलाई प्राथमिकता दिन्न ।

बिहेको बारेमा के सोच्नु भएको छ ?
– पहिला करियर बनाउने त्यसपछि बिहेका बारेमा सोचौँला नि ।

ब्वाइफेन्ड त होला नि ?
– अहिलेसम्म मैले ब्वाइफेन्ड बनाएको छैन ।

प्रेम प्रस्ताव त धेरै आए होला तर किन ब्वाइफेन्ड नबनाउनु भएको ?
– म अहिले करियर बनाउन केन्द्रित भएका कारण यसप्रति ध्यान दिएको छैन । धेरैले प्रस्ताव राखेँ पनि कसैलाई मनमा सजाएको छैन । म फेमिलीसँग बस्छु । उहाँहरु अलि स्ट्रिक हुनुहुन्छ । बाहिर जाने, घुम्ने पनि त्यति भएन । मलाई त्यस्तो केही भएन, वास्ता पनि भएन ।

तपाईले सेक्सको अनुभव त लिनु भएको होला ?
– छैन ।

भिडियो तल छ