एउटा सक्षम महिलाले प्रेमका लागि जातभात, अंग नहेेर्ने देखाउन आफूले सुदर्शनसँगको प्रेमलाई सार्वजनिक गरेको रेखाको कथन छ । बिहेका लागि प्रेम गरिनु स्वार्थ भएको रेखाले बताएकी छिन् ।
असोज १५ गतेबाट प्रदर्शनमा आउन लागेको उनको चलचित्र ‘हिम्मतवाली’को प्रचारका लागि पनि रेखाले यस्ता हल्ला बजारमा चलाएको आरोप लाग्ने गरेको छ । तर, उनले यसलाई हल्ला नभई वास्तविकता भनेकी छिन् । उनले आफू सुदर्शनसँग हिड्दा, सँगै बस्दा शारीरिक आवश्यकताबाट नगुजि्रएको बताइन् । यस्ता कुरा सोच्नेलाई नै छोडिदिन उनले आग्रह गरेकी छिन् ।
उनले सिनेमाको पर्दामा देखिने रेखालाई मात्र सबैले वुझेको भन्दै रियल लाइफमा आफू कस्तो रहेकी छु भनेर कसैले नवुझेको बताइन् । पैसाको पछि लागेको भए आफू छवि ओझाकै घरमा हुने थिएँ भन्दै उनले सुदर्शनले चलचित्रमा लगानी नगरेको तर्क गरेकी छिन् । ‘शुक्रबार’ साप्ताहिकसँग कुरा गर्दै उनले सुदर्शनलाई हिरो बनाएर आफूले नयाँ साहस गरेको दाबी गरेकी छिन् ।
भिडियो हेर्न यहाँ क्लिक गर्नुहोस
Post a Comment