दीपिकाले कपडा फेर्दै गरेको सिन आपत्तिजनक

एजेन्सी ।
बलिउड अभिनेत्री दीपिका पादुकोणको नयाँ फिल्म 'फाइनडिंग फ्यानी' मा दीपिकाको एउटा डायलगमा सेन्सर बोर्डले यसअघि देखि नै असहज महसुस गर्दै आएको थियो अब सेन्सर बोर्डले दीपिकाको डायलगमा मात्र नभई फिल्मका अन्य कतिपय सिनमा पनि आपत्ति जनाउन थालेको छ ।

केही सिनहरु आपत्तिजनक रहेको जनाउँदै बोर्डले त्यसलाई हटाउन निर्देशन दिइसकेको छ ।

फिल्ममा दीपिकाले कपडा फेर्दै गरेको सिन भल्गर भएको जनाउँदै बोर्डले  त्यसलाई हटाउन अथवा ब्लर गर्न निर्देशन दिएको छ ।

फिल्मका कतिपय उच्छृंखल डायलगमाथि पनि कैँची लगाउनेबारे बोर्डले बिचार गरिरहेको छ ।

दीपिकाको फिल्ममाथि बोर्डले बढी नै कैँची चलाउने मनसाय बनाएको थाहा पाएपछि बार्डसामू प्रस्तुत गर्न ठिक्क पारेको केही फिल्मका निर्माता तर्सिएका छन् ।

उनीहरु केही साता पर्खिएर बोर्डसामु फिल्म प्रस्तुत गर्ने सोचमा पुगेको समाचार छ