७ भदौ, काठमाडौं । प्रहरीद्वारा मारिएका दिनेश अधिकारी चरीको शवमा पार्टीको झण्डा ओढाउने एमाले केन्द्रीय सदस्य खेम लोहनीले आफूले सही काम गरेको बताएका छन् । अब चरीलाई सहीद घोषणा गर्दा उपयुक्त हुने लोहनीको थप तर्क छ ।
पशुपति आर्यघाटमा शनिबार चरीको दाहसंस्कार गर्नुपूर्व लोहनीले पार्टीका तर्फबाट झण्डा ओढाएका थिए ।
शहीद घोषणा गर्न माग
चरीलाई राज्यले गोली हानेर मारेको हुनाले उनलाई शहीद घोषणा गर्दा उपयुक्त हुने लोहनीले अनलाइखबरलाई बताए ।
‘उहाँलाई राज्यले गोली हानेर मारेको हो । राज्यले मारेपछि उहाँलाई शहीद घोषणा गर्दा उपयुक्त हुन्छ’ लोहनीले भने ।
चरीको शवमा पार्टीको झण्डा ओढाउने निर्णय पार्टीले नै गरेको लोहनीले जानकारी दिए । ‘धादिङ क्षेत्र नं १ को बैठकले नै उनले पार्टीमा पुर्याएको योगदानवापत झण्डा ओढाउने औपचारिक निर्णय गरेको हो,’ लोहनीले भने, ‘सोही निर्णयवमोजित उहाँहरुले मलाई आग्रह गर्नुभयो र मैले आर्यघाटमा उहाँको पार्थिव शरीरमा झण्डा ओढाएँ । मैले जे गरें, ठीक काम गरेको छु ।’
भिडियो हेर्न यहाँ क्लिक गर्नुहोस >
Post a Comment