बाँझोपन के र कसरि हुन्छ भन्ने विषयमा नेपाल र भारतका विज्ञ चिकित्सहरुबीच छलफल

निर्मल अर्याल।काठमाडौ।निसन्तानको कारण, त्यसको सही पहिचान र समस्याको समाधानका लागि विश्वव्यापी अभ्यासमा रहेका उपचार पद्धति र तिनको सफलताका विषयमा भारत तथा नेपालका वरिष्ठ चिकित्सकहरुबीच शुक्रवार राजधानीमा छलफल भएको छ।

हेल्थ कन्सर्न नेपालको पहलमा भारतको नोभा इभि फर्टिलिटी सेन्टरबाट आउनु भएका चिकित्सकद्धय डाक्टर नलिनी महाजन र डाक्टर सालु गुप्ताले नेपालमा विज्ञ चिकित्सकहरुसँग बाँझोपनका विविध पक्षहरुबारे छलफल गर्नु भएको हो।

छलफलका क्रममा विज्ञ चिकित्सकहरुले नेपालमा कसरी बाँझोपन निवारण गर्न सकिन्छ भन्ने विषयमा आफना अनुभवहरु आदानप्रदान गर्नु भएको थियो।

छलफलका क्रममा चलाइएको निरन्तर मेडिकल शिक्षा, सिएमई अत्यन्तै लाभदायक भएको विज्ञ चिकित्सहरुले बताएका छन्।

कार्यक्रममा स्वायग मन्तव्य व्यक्त गर्दै हेल्थ कन्सर्नका प्रमुख कार्यकारी डाक्टर सुवास प्याकुरेलले यस्ता छलफलले नेपालको स्वास्थ्य क्षेत्रलाई गतिशिल बनाउन मद्दत पुग्ने विश्वास व्यक्त गर्नुभयो।

त्यसैगरी धन्यवाद ज्ञापन गर्दै नोभा इभि फर्टिलिटी सेन्टरका अन्तर्राष्ट्रिय सम्बन्ध प्रमुख शैयद जिया अख्तरले भारतले पनि स्वास्थ्य पर्यटन प्रवद्र्धन गर्ने तहमा पुग्नका लागि अन्य राष्ट्रहरुको प्रविधि र अनुभवलाई स्वागत गर्दै विभिन्न राष्ट्रबीच साझा कार्यक्रम बनाउने गरेको जानकारी दिनुभयो।

कार्यक्रम नेपाल सोसाइटी अफ अब्स्ट्रेटिसियन एण्ड गाइनेकोलिजिस्टका अध्यक्ष डाक्टर पुष्पा चौधरीको सभापतित्वमा सम्पन्न भएको थियो।

ww.hamrakura.com भिडियो हेर्न तलको कालो बाकस थिच्नुहोस