बक्स अफिसमा भिड्दै प्रियंका दिदीबहिनी

नायिका प्रियंका चोपडा र उनकी बहिनी परिणीति चोपडा फेरि एकपटक बक्स अफिसमा आमनेसामने भिड्ने भएका छन् ।

परिणीतिको ‘दावत-ए-इश्क’ र प्रियंकाको ‘मेरी कोम’ सेप्टेम्बर ५ तारिख एकदैनि रिलिज हुँदैछन् । सन् २०१३ मा पनि परिणीतिको ‘शुद्ध देशी रोमान्स’ र प्रियंकाको ‘जंजिर’ एकैदिन रिलिज भएका थिए ।
यो साल फेरि त्यही नियति दोहोरिने भएपछि चोपडा दिदीबहिनी प्रतिष्ठाको लडाईमा परेका छन् ।
तर, परिणीतिले भने दुवै फिल्मले राम्रो ब्यापार गर्ने बिश्वास लिएकी छिन् । ‘दुवै फिल्म सफल रहुन् भन्ने मेरो कामना छ’ परिणीतिले सम्बाददाताहरुसँग भनिन् ।
प्रियंकाको मेरी कोममा नेपाली अभिनेता सुनिल थापाले उनको बक्सिङ गुरूका रूपमा काम गरेका छन् ।