राजकुमार हिरानीको बहुप्रतिक्षित फिल्म ‘पी.के.’ आमिर खानको कारणले चर्चित भइरहेको छ । फिल्मको बारेमा खबर छ कि यो फिल्ममा आमिरले त्यस्तो दृश्य दिँदैछन् जुन उनले आफ्नो २५ वर्षे फिल्मी करियरमा कहिले गरेनन् ।
फिल्मको पर्दा अगाडि कहिले नाङ्गो नभएका उनी यो फिल्मका लागि नांगिदैछन् । फिल्ममा आमिर खान पुरै नग्न हुने र उनको शरिरको केहि भाग रेडियोले ढाकिने बताइएको छ । आमिरले राजस्थानको कुनै जंगलमा यो नग्न दृश्यको छायांकन गरेका छन् ।
यो कुनै उत्तेजक दृश्य नभई एक भावनात्मक दृश्य हुने बताइएको छ । राजनितिक व्यंग्यमा आधारित यो फिल्म यो वर्षको जुनमा प्रर्दशनमा आउने भनिएता पनि फिल्म १९ डिसेम्बर, २०१४ मा प्रदर्शन हुने विनोद चोपडा फिल्म्स र राजकुमार हिरानी फिल्म्सले पुष्टि गरेको छ ।
पी.के. मा संजय दत्त, अनुष्का शर्मा र सुशांत सिंहको पनि अभिनय रहेको छ । फिल्मको कहानीलाई सस्पेन्समा राखिएको छ । आमिर खानको नग्न दृश्यलाई हेरेर दर्शकहरुले कस्तो प्रतिक्रिया दिनेछन्, त्यो भने हेर्ने बाँकी छ । (एजेन्सी)
Post a Comment