श्रीकृष्ण श्रेष्ठको अवस्था अझ गम्भीर...

काठमाडौँ,१९ साउन । विवाह पछि पत्नी श्वेता खड्का सहित हनिमून टुरमा गएका अभिनेता श्रीकृष्ण श्रेष्ठ गम्भीर बिरामी भएका छन् । बिरामीका कारण केहि समय परिवारको सम्पर्कबाट समेत बाहिर रहेका उनलाई निमोनिया भएको खबर सार्वजनिक भएको छ । 

तर उनलाई के भएको भन्ने बारे भने परिवारलाई समेत बिस्तृत जानकारी नगराइएको श्रोतले जनाएको छ । स्वास्थ्य उपचारका लागी भारतमै बसेका श्री नफर्केपछि उनका दाजु मिन श्रेष्ठ स्वास्थ्य अवस्था बुझ्न दिल्ली पुगेका छन् ।

यता श्री र श्वेता अभिनित चलचित्र कोहिनूर श्रावण २३ देखि प्रदर्शन हुने तरखरमा छ । तर फिल्म रिलिजको लागि अन्तिमा तयारी हुँदासम्म श्री र श्वेता नेपाल नफर्किए पछि फिल्मको प्रोमोशन नै अधुरो रहेको छ । प्रोमोशन बिनाको कोहिनूर कति चम्किने हो,हेर्न बाँकी छ ।