जागिरमा राखेको पहिलो दिन नै बलात्कार, मालिक पक्राउ

नयाँ दिल्ली (एजेन्सी)– पश्चिम दिल्लीको पश्चिम बिहारमा अवस्थित अप्टिकल शोरुममा सेल्सगर्लमा जागिर पाएपछि पहिलो दिनको काम सुरु गर्नुपूर्व नै बलात्कारको आरोप लागेका शोरुमका ६१ वर्षीय मालिकलाई पुलिसले पक्राउ गरेको छ । बलात्कृत हुने महिलाको सम्बन्धबिच्छेद भइसकेको र लिभ–इन रिलेसनमा बसिरहेको बताइएको छ भने आरोपी पहिलो श्रीमतीको मृत्युपछि दोस्रो श्रीमतीसँगै बस्दै आएका छन् ।
शोरुमका मालिक नविन मलहोत्रा (नाम परिवर्तित) ले सेल्सगर्ल राख्नका लागि पत्रिकामा विज्ञापन छपाए । धेरै मानिसहरुले जस्तै जून ३० तारिखमा मंगोपुरीको नजिक बुद्धविहारमा बस्ने सपना ( नाम परिवर्तित, ३० वर्ष) ले पनि जागिरका लागि अन्तर्वाता दिइन् । उनलाई छनोट पनि गरियो र जुलाई १ मा उनलाई कामको लागि आउने जानकारी दिइयो । मंगलबार बिहान करिब १०ः३० बजे उनी आइन् । शोरुमको सटर बन्द गरिएको थियो । उनले नविन मलहोत्रालाई फोन गरिन् र मल्होत्राले उनलाई पछाडिको बाटोबाट माथि भएको अफिस आउन आग्रह गरे ।
सपना माथि गइन् त्यहाँ अफिसर र गोदाम थियो । नविन त्यहाँ अन्य महिला कर्मचारीहरुसँग बसेका थिए । सपनाका अनुसार उनी बस्दा नै नबिनले उनलाई छुन सुरु गरिसकेका थिए । अरु महिला कर्मचारीहरु उठेर बाहिर गए । सपनाले पानी मागिन् । बोतलमा आधा भरिएको पानी थियो । पानी पिइसकेपछि उनलाई केहि पनि होश नभएको सपनाले जानकारी दिइन् । केहि समयपछि उनलाई होस आयो र त्यहाँ उनले आफ्नो लुगाहरु छरिएको र मलहोत्राले आफ्नो लुगा मिलाइरहेको देखिन् ।
सपना त्यहाँबाट तल झरेर आफ्ना लिभ–इन पार्टनरलाई फोन गरिन् । अदालतमा व्यस्त भएका कारण उनले फोन उठाउन भ्याएनन् । त्यसपछि उनले आफन्तहरुलाई फोन गरिन् । घटनाको बारेमा जानकारी दिएपछि आफन्तहरुले उनलाई १०० नम्बरमा फोन गर्न सल्लाह दिए ।
बलात्कार र नशायुक्त पेय पदार्थ ख्वाएको आरोप प्रहरीले पुष्टि गरिसकेपछि बुधबार महिलाले अदालतमा घटना दर्ता गरेपछि नविन मलहोत्रालाई पक्राउ गरिएको छ ।