बैतडी जिल्ला घर भई सिलगढीस्थित सेनाको शिवदल क गुल्ममा कार्यरत सैनिक जवान गणेश विकलाई बालिका बलत्कारको आरोप लागेको छ ।
जिल्ला अस्पताल डोटीमा बालिकाको स्वास्थ्य परीक्षण पश्चात मेडिकल रिपोर्ट अनुसार बालिका बलात्कृत भएको प्रमाणित भएको हो । बलात्कृत बालिकाको गाला र पिठ्युमा चोट लागेको छ । आरोपी सैनिक जवान शिवलद गणको नियन्त्रणमा राखिएको बताइएको छ ।
पीडित बालिकाका बुबाका अनुसार शुक्रबार राति आँगनबाट मुख थुनेर गुल्मभित्र लगेर बलत्कार गरिएको हो । संगै रहेकी अर्की बालिकाले थाहा पाएर होहल्ला गरेपछि बालिकालाई छोडिएको थियो । बालिकाको घर शिवदल गुल्म नजिकै छ ।
जिल्ला प्रहरी कार्यालय डोटीका प्रहरी निरीक्षक उद्धवदेव भट्टका अनुसार मेडिकल रिपोर्टको आधारमा बलत्कार प्रमाणित भइसकेकाले किटानी जाहेरीका आधारमा सैनिक जवानमाथि कारवाही प्रक्रिया अगाडि बढाइएकोे छ ।
पीडित बालिकाको बुबाले जिल्ला प्रहरी कार्यालय डोटीमा सैनिक जवानका नाममा किटानी जाहेरीसहित उजुरी दर्ता गराउनु भएको छ । बालिकाको जिल्ला अस्पताल डोटीमा उपचार गरिएको छ ।
via-sambadmedia भिडियो हेर्न तल क्लिक गर्नुहोस्:
Post a Comment