फिल्म बैंङबैंङको सुटिङका क्रममा कट्रिना कैफले करिव एक करोड भारतीय रपैयाँको गाउन् लगाएकी छिन् ।तर, फिल्म निमार्ताले यति महंगो ड्रेस किन्न नसक्ने बताएपछि कट्रिना आफैले पैसा तिरेर भएपनि सुटिङमा आफुले चाहेको गाउन लगाएरै छाडिन् ।
१० जुलाइमा हुन लागेको एक गीतको सुटिङका लागि निर्माताले गेविन मिगुलद्वारा डिजाइन गरिएको गाउन मगाएका थिए । तर, त्यो गाउन निमार्तालाई मन परेन र नयाँ डिजाइन गर्न भनियो ।
डिजाइनरले दुई भिन्नाभिन्ना रंगमा गाउन डिजाइन गरि पठाए । तर, त्यसको मूल्य यति महंगो थियो कि, दाम सुनेर निर्माताको सातो उड्यो ।
कट्रिनालाई मन परेको सो गाउनको मूल्य १ करोड भारतीय रुपैयाँ(झण्डै १ करोड ६० लाख नेरु) थियो । जसका कारण निर्माताले रकम तिर्न इन्कार गर्दै सस्तो मूल्यको ल्याउन भने ।
तर, कट्रिनाले मन परेको गाउनमै गीत सुट गर्न चाहिन् । निर्माताको दुःख बुझ्दै उनले गाउनको एक करोड रुपैयाँ आफै तिर्ने बताइन् ।
यो खवरलाई निर्माण पक्षले अस्वीकार गरे पनि डिजाइनर गोविन मिगुलले भने पुष्टी गरेका छन् ।
Post a Comment