चार बर्ष अघि वैदेशिक रोजगारका लागि मलेसिया पुगेका महोत्तरी किसाननगर ७ का २५ वर्षीय सुमन भनिने चेतराज गिरीको मलेसियामा घाँटी रेटी हत्या भएको छ । मलेसियाको जोरबारुमा रहेको इनोसेरामेटिक कम्पनीमा कार्यरत गिरीको नेपाली र भियतनामी साथी मिलेर घाँटी रेटी हत्या गरेका हुन् ।
चेतराजको साथमा रहेको ४५ सय रिङगेट(करिब डेढ लाख रुपैयाँ) लुट्ने उद्देश्यले एउटै कम्पनीमा कार्यरत साथीहरुले गएको असार २८ गते राती ११ बजे उनको हत्या गरेका मृतकका आफन्त लक्ष्मण गिरीले बताए । अविवाहित गिरीको शव हत्यापछि कम्पनी नजिकैको झाडीमा फालिएको अवस्थामा फेला परेको थियो ।
चार बर्ष अघि रोजगारीको लागि मलेशिया गएका गिरीको राम्रो कमाई र सजिलो काम भएको कारण समय थप गरेर काम गर्दै आएको हुँदा गएदेखि घर समेत नफर्किएको उनका आफन्तहरुले बताएका छन् । गिरीले बेला बेलामा घरमा पैसा पठाउँने गर्दथे | घटनामा संलग्न भएको आशंकामा स्थानिय प्रहरीले पाँच जनालाई पक्राउ गरेको छ । आफन्तहरुले मृतकको शव नेपाल ल्याउने प्रक्रिया सुरु गरेका छन् । सरकारले आवश्यक सहयोग नगर्दा शव नेपाल ल्याउन ढिलाई भएको मृतकका फुपुका छोरा लक्ष्मण गिरीले बताए ।
Post a Comment