गोपीकृष्ण हलमा आक्रमण प्रहरी तैनाथ

गत मंगलबार हलमा बिना टिकट प्रवेश गरेका ५ युवालाई प्रहरीको जिम्मा लगाएपछि गोपिकृष्ण हलका प्रबन्धक तिर्थ पौडेल माथी आक्रमण भएको छ । शुक्रबार बिहान साढे १० बजेतिर पुगेका केही युवाहरुले उनलाई आफ्नै कार्यकक्ष भित्र गएर कुटेका थिए । हेलमेट प्रहार गरेपछि तिर्थको टाउको गम्भिर चोट लागेको छ । उनको हाल ओम अस्पतालमा उपचार भइरहेको छ ।उनको टाउकोमा १० वटा टाँका लगाइएको छ । गोपिकृष्णले आक्रमण गर्ने युवाहरु परिचित रहेको जनाएको छ । प्रहरीको हिरासतबाट छुट्ना साथ ति युवाहरुले घटनाको बदला लिनका लागि आक्रमण गरेको वुझिएको छ । गोपिकृष्णले शनिबार एनएफडीसी अवार्ड गर्ने तयारी गरिरहेको छ ।