यसअघि संविधानसभा अध्यक्ष आफ्नो दलले पाउनु पर्ने माग गरेका दाहालले नेपाली कांग्रेसलगायतका दलहरुको समर्थनमा नेकपा एमालेका उम्मेदवार सुवास चन्द्र नेम्बाङ संविधानसभा अध्यक्ष हुने भएपछि आक्रोशित हुँदै भने “विगतमा हामी सबै असफल भएकै हौं, संविधान बनाउन नसकेर संविधानसभा अध्यक्ष सुवास नेम्वाङ पनि असफल सावित भएकै हुन् ।”
उनले भने “हामीबाट पूरानै भूल दोहोरिने र संविधान नबन्ने खतरा रहन्छ ।”
उनले पहिलो संविधानसभाको म्याद समाप्त हुने दिन तत्कालिन अध्यक्ष नेम्बाङले संविधानसभाको बैठक बोलाउन नसकेको भन्दैअब त्यस्तो अवस्था आएमा संविधानसभाबाटै निर्णय गर्ने प्रतिज्ञा लिन जरुरी रहेको समेत बताए । दाहालले भने, “त्यो गल्ती दोहोर्याउने छैनौं भन्ने संकल्प लिन जरुरी छ ।”
दाहालले सभामुखमा उम्मेदवारी नदिनुलाई आफ्नो कमजोरी नठान्न अन्य दलहरुलाई चेतावनी समेत दिएका थिए ।
उन्नत संस्कार देखियोः ओली
संविधानसभा बैठकमा बोल्दै नेम्बाङका प्रस्तावब एमाले संसदीय दलका नेता केपी ओलीले संविधानसभा अध्यक्षका लागि सबै दलहरुले सुवास नेम्वाङप्रति सहमति देखाएको भन्दै उन्नत संस्कारको विकास भएको बताएका छन् ।
अन्य दलहरुले उम्मेद्वारी नदिएर समझदारी देखाएकोमा धन्यवाद दिंदै ओलीले भने, “सबै दलले उन्नत स्तरको संस्कृति देखाउनुभएको छ, यसलाई आगामी दिनमा पनि बढाएर लैजानुपर्छ भन्न चाहन्छु ।”
उनले आफूले सहमतिका लागि प्रयास गरेको र त्यो नभए पनि अन्य दलबाट अध्यक्षको उम्मेदवारी नपर्नुले आफूलाई खुशी लागेको बताए । उनले भने, “हाम्रा काम साझा छन्, हामीले अरु पनि धेरै काम गर्नुछ ।”
Post a Comment