एकिकृत नेकपा माओवादीका अध्यक्ष पुष्पकमल दाहालकी नातिनी स्मिता प्रधान नयाँ एल्बमको तयारीमा छिन् । उसो त उनी आफूलाई स्मिता दाहाल नै भनेर चिनाउँछिन् । स्मिताको नयाँ एल्बम ‘स्मिता’मा समावेश ‘पि्रय तिम्रो’ बोलको गीतको म्यूजिक भिडियो हालै मात्र छायांकन भएको छ ।
यो भिडियोमा जेठ ९ गतेबाट प्रदर्शनमा आउन लागेको चलचित्र ‘मेरो बेष्ट फ्रेन्ड’का कलाकारले अभिनय गरेका छन् । नायिका प्रियंका कार्की र नायक रेश महरठ्ठालाई भिडियोमा देख्न सकिनेछ ।
१६ बर्षकी स्मिताले पहिले देखि नै गीत गाउँदै आएकी हुन् । धिरजजंग शाहको छायांकन, टेकेन्द्र शाहको सम्पादन रहेको भिडियोलाई प्रशन्न पौडेलले निर्देशन गरेका हुन् । स्मिता प्रचण्डकी छोरी गंगा दाहालकी छोरी हुन् । उसो त राजनीतिक वातावरणमा हुर्किए पनि स्मिता आफ्नो गायकीमा यसको रंग पार्न चाहदिनन् ।
भिडियोसँग एल्बम पनि चाडै बजारमा ल्याउने योजना उनको छ ।
Post a Comment