वैशाख १२ गतेबाट प्रदर्शनमा आएको चलचित्र ‘नोभेम्बर रेन’ले बक्स अफिसमा धमाका मच्चाइरहेको छ । चलचित्रले २ करोड हारहारीको ग्रस कलेक्शन २ हप्तामा नै गरिसकेको छ । यही सिनेमाबाट उदाएकी कलाकार छुल्ठिम गुरुङ अहिले चर्चामा छिन् । चलचित्रमा उनले गरेको अभिनयलाई सबैले रुचाएका छन् ।
चलचित्रमा उनले निर्वाह गरेको ‘डल्ली’ पात्र दर्शकमाँझ सर्वाधिक चर्चामा छ । तर छुल्ठिम भने सिनेमा नखेल्ने बताउँछिन् । ‘नोभेम्बर रेन’ आफ्नो पहिलो तथा अन्तिम सिनेमा भएको उनले सार्वजनिक गरिसकेकी छिन् ।
सिनेमा नखेल्ने बताएकी छुल्ठिमले भिडियोमा भने मोह देखाएकी छिन् । ‘दिङ्ला बजार’मा बोलको गीतमा छुल्ठिमले अभिनय गरेकी हुन् । योगेन्द्र रार्इको पहिलो एल्बम ‘उत्साह’मा समावेश यो गीतको भिडियोलाई विज्ञान रार्इले निर्देशन गरेका हुन् । यो गीतमा शब्द तथा संगीत पनि स्वयम् गायक राइकै छ ।
Post a Comment