जेठ १४ गते नायक राजेश हमाल बिहे गर्दैछन् । साथमा यही महिनामा उनले अभिनय गरेका २ सिनेमा लगालग प्रदर्शनमा आउँदैछन् । दुबै सिनेमामा नायक हमालको भूमिका यतिबेला चासो र चर्चाको बिषयमा छ ।
जेठ ९ गतेबाट प्रदर्शनमा आउन लागेको चलचित्र ‘हँसिया’मा हमालको भूमिका खासै खुलाइएको छैन । तर चलचित्रको प्रचार सामग्री हेर्दा हमालको भूमिका र गेटअप पक्कै पनि फरक छ भन्ने वुझ्न गाह्रो पर्दैन ।
मिलन चाम्सले निर्देशन गरेको यो सिनेमालाई हमालले विशेष महत्व दिनुको कारण पनि यही नै हो । यता जेठ १६ गतेबाट प्रदर्शनमा आउन लागेको चलचित्र ‘मुखौटा’मा त राजेश हमालको भूमिका धेरैका लागि प्रतिक्षारत बनेको छ ।
अधिकांश थिएटरबाट चर्चामा आएका कलाकारस“ग हमालले काम गरेका छन् । उनको संवाद बोलाई र अभिनय उनकै स्टाइलको लाग्दैन । निर्देशक अर्पण थापाले हमाललाई सिनेमाभित्र फरक भूमिका दिएको देखिन्छ । यसैले हमालका लागि दुइवटै सिनेमाको व्यापार महत्वपूर्ण छ ।
पछिल्ला वर्षमा राजेश हमालले अभिनय गरेका सिनेमा खासै चलेका छैनन् । धेरैले उनले भूमिका परिवर्तन गर्न नसकेको पनि बताउँछन् । यसैले पनि जेठ ९ र जेठ १६ गते प्रदर्शनमा आउन लागेका २ सिनेमा हमालका लागि चुनौति बनेका छन् ।
Post a Comment