सुनसरीमा ट्रक भित्रै सामुहिक बलात्कार

सुनसरी, भदौ ३१ – सुनसरीको हरिपुरस्थित सप्तकोशी आसपास क्षेत्रमा एक यादव थरकी युवती सोमबार राती सामुहिक बलात्कारको शिकार बनेकी छिन् । सप्तरीको रुपनीबाट कोशी व्यारेज आउने क्रममा ट्रकमा चढेकी यादव थरकी युवतीलाई ट्रकमा रहेका तीन जनाको समुहले पालै पालो सामुहिक बलात्कार गरेको प्रहरीले जनाएको छ ।
ट्रक भित्रै सामुहिक बलात्कार भइरहँदा चिच्याएकी युवतीको आवाज सुनेर नजीकैको सशस्त्र प्रहरीको हरिपुर पोष्टका प्रहरीहरुले तत्काल सो युवतीको उद्धार गर्नुका साथै संलग्न तीनै जनालाई नियण्त्रणमा लिएको छ ।
पक्राउ पर्नेहरुमा ट्रकका चालक सप्तरी बनिगामाकटि ४ का ३० वर्षीय राम यादव, सहचालक १९ वर्षीय चन्द्रदेव यादव र सहयोगी १८ वर्षीय सरोजकुमार यादव रहेका छन् ।
पक्राउ तीनै जनालाई जिल्ला प्रहरी कायाृलय सुनसरीमा लगि जिम्मा लगाइएको युवती उद्धारमा खटीएका हरीपूर ससस्त्र प्रहरी बलका प्रहरी नायव निरिक्षक नारायण सुवेदीले बताए ।
जिल्ला प्रहरी कार्यालय सुनसरीको हिरासतमा रहेका तिनै जना बिरुद्ध मङ्गलबार जवरजस्ती करणीको मुद्दा दर्ता गरिसकेको सुनसरीका प्रहरी प्रमुख एसपी मसउद आलम खा ले बताए ।
तेज बन विश्वासी
ratopati भिडियो हेर्न तलको कालो बाकस थिच्नुहोस