अग्लुङ्गको पहिरोमा पुरिएका एकै परिवारका नौ जनालाई सुरुक्षाकर्मी र स्थानियवासीले शनिवार दिनभरी खोज्दै थिए । अन्य धेरैको शव फेला पर्यो । तर आमा छोरीको अत्तोपत्तो थिएन् । खोज्दै जाँदा उनै आमा छोरी भेटिए । सवैले भने धन्य हो यिनीहरु चाँही जिवितै फेला परे भन्दै फोटो खिच्न थाले । जिवित नभनुनन् पनि कसरी ? जवकी आमाले काँखमा राखेर उनै छोरीलाई दुध खुवाई रहेकी छन् र छोरीले पनि पिई रहेको जस्तो देखिन्छ ।
मृत्यु शैयामा पनि आमाको कांख
.
उनै भविलालकी बुहारी सिता र उनकी २ वर्षिया छोरी विपनाको दृश्य थियो त्यो । पछि उनिहरुलाई जिवित ठानेर उठाउन खोज्दा उनिहरु निर्जिव वस्तु झै भेटिए । उद्धारमा खटिएकाहरु भावुक भए । धेरैको आँखा रसाए । जिवनको अन्तिम सास सम्म दुध पिई रहेकी ति कांखकी छोरीले कतिञ्जेल पिएकी होलिन र आमाले कतिञ्जेल सम्म खुवाएको याद छ होला....यस्तै यस्तै कुराहरुले प्रत्यक्षदर्शीहरुको मन छोयो ।
आईतवार दाह संस्कार गर्ने बेलामा पनि साहघाट जानेहरुले ति आमा छोरीहरुको मृत शरिर छुटाउन चाहेनन् । अन्तत: आमा संगै उनै छोरीको शव एउटा बनाईयो । अरु जो-जो अंगोलो हालेको अवस्थामा मृत फेला परेका थिए उनिहरुको पनि एउटै शव बनाईयो । भविलाल दम्पत्ती पनि एउटै विस्तरा मै मृत फेला परे । उनका नाति नातिनामा पनि हिजो जसरी आंगालो मारेर सुतेका थिए । विहान मृत पनि त्यही अवस्थामा फेला पारे पछि त्यसो गरिएको थियो । अग्लुङ्गको त्यो दर्दानाक दृश्यले मान्छेको जिवन र नियतिको खेलप्रति निकै सोच मग्न बनाएको छ ।
Post a Comment