दुई साता अघिदेखि अपहरणमा परेका ३ इजरायली विद्यार्थी मृत फेला

 विगत १८ दिनदेखि प्यालेस्टाइनी आतंककारीको अपहरणमा परेका तीन जना इजरायली विद्यार्थी मृत अवस्थामा फेला परेका छन् । इजरायली सुरक्षा बलले अपहरणमा परेका ति विद्यार्थीहरुको खोजि गर्ने क्रममा सोमवार अप्रह्वान्ह करिव ६ बजे वेस्टवैंक नजिकै रहेको हिब्रोन क्षेत्रमा फेला पारेको इजरायली संचारमाध्ययमहरुले जनाएका छन् । मोदिइन नजिकै नोफआयलोन निवासी १६ बर्षिय नफ्ताली फ्रेन्कल, रमल्लाह वेस्टवैंक नजिकै रहेको तल्मोन निवासी १६ बर्षिय गिलाद सार र इजरायलको पिताक्तिक्वा नजिकै रहेको सेन्टर इजरायल निवासी १९ बर्षिय इलाद गत १२ जुन विहिवार राती स्कुलबाट घर फर्किने क्रममा अपहरणमा परेका थिए । इजरायली सुरक्षा बलका अऩुसार अपहरणकारीले उनीहरुलाई अपहरण गरेपश्चात कुनै पनि किसिमको माग अघि नसारेको बताइएको छ ।