सवारी दुर्घटनामा परी कतारमा तीन नेपालीको मृत्यु

 १७ असार, काठमाडौं । कतारमा भएको सवारी दुर्घटनामा परी तीनजना नेपालीको ज्यान गएको छ । गत शुक्रबार भएको सवारी दुर्घटनामा झापाका पुष्पराज सिवकोटी, महोत्तरीको सिसुलाकटैयाका रामसरोवर साह र ओखलढुंगाका सुर्यबहादुर कार्कीको मृत्यु भएको हो ।

सवारी दुर्घटनामा अन्य सात जना नेपाली कामदार पनि घाइते भएका छन् । घाइते सबैको कतारस्थित असपतालमा उपचार भइरहेको दोहास्थित नेपाली दूतावासले जानकारी दिएको छ ।