छोरीले प्रेमविवाह गरेको सहन नसकी बुवाले छिनाए छोरी–ज्वाईंको टाउको

पाकिस्तानको पञ्जाव प्रान्तमा रहेको एक परिवारले आफ्नी छोरीले प्रेम विवाह गरेका कारण गत शुक्रबार छोरी र ज्वाईं दुबैको निर्ममतापूर्वक हत्या गरेको छ । लाहोरबाट १०० किलोमिटर टाढा रहेको सतरा गाउँमा बस्ने मुहाफिया (२३) ले जून १८ मा नजिकैको गाउँका हसनाबादका युवक सज्जाद अहमद (२७) सँग भागेर विवाह गरेकी थिइन् । शुक्रबार यो जोडि हसनाबाट फर्केको थाहा पाएपछि मुहाफियाले परिवारका सात सदस्यले सज्जादको घरमा आक्रमण गरेका थिए । त्यसपछि उनीहरुले ती जोडिलाई गाउँको मुख्य चोकमा लगे र त्यहाँ थुप्रै मानिसहरुका अगाडि दुबैको घाँटी छिनाइदिए । हत्यापछि सबै आरोपी फरार रहेका छन् । हत्यामा मुआफियाका पिता दिलशाद पनि संलग्न छन् ।