महिलालाईभन्दा पुरुषलाई बढि पीडा
(एजेन्सी)– हिन्दिमा एउटा प्रचलित भनाई छ – ‘मर्द को दर्द नहि होते’ । तर
एक ताजा शोधले यो भनाईलाई उल्टाइदिएको छ । उक्त शोधका अनुसार ठूलो
शल्यक्रियापछि स्वास्थ्य लाभ गर्ने क्रममा पुरुषहरुलाई महिलाभन्दा बढि पीडा
हुने बताइएको छ । जर्मनीको एक अस्पतालमा हृदय र पेटसम्बन्धि शल्यक्रिया
गर्ने करिब दश हजार बिरामीहरुमा यो परिक्षण गरिएको थियो । युरोएनेस्थिसिया
सम्मेलनमा सहभागी भएका महिला र पुरुषहरुको साक्षात्कारबाट पुरुषलाई बढि
पीडा हुने पत्ता लागेको छ । यद्यपी महिला र पुरुषको बिचमा पीडाको अन्तर
हुन्छ भन्नु विवादास्पद भएको अरु विशेषज्ञहरुले बताउँछन् । पीडाको मामलामा
हर्मोनको पनि भूमिका हुने बताइएको छ । पुरुषहरुमा पाइने सेक्स हर्मोन
टेस्टोस्टेरानले पीडा कम हुने र महिलामा हुने पीडामा उनको महिनावारीको
भूमिका हुने बताइएको छ । सांस्कृतिक र मनोवैज्ञानिक कारणले गर्दा पनि पीडा
कति हुने भन्ने कुरा निर्भर हुने बताइको छ
Post a Comment