सद्दाम हुसैनलाई फाँसी दिने न्यायाधीलाई लडाकुले फाँसी दिए

 ९ असार, बग्दाद ।
तत्कालीन इराकी शासक सद्दाम हुसैनलाई फाँसीको फैसला सुनाउने अदालतका न्यायाधीशलाई इराकी लडाकुहरुले फाँसी दिएका छन् ।
हाल इराकका विभिन्न सहर कब्जा गर्दै अघि बढेका आइएसआइएस नामक लडाकु संगठन सम्बद्ध लडाकुहरुले ६९ वर्षीय न्यायाधीश राउफ अब्दुल रहमानलाई फाँसी दिएको बताएका छन् ।

 रहमानले इराकी तत्कालीन शासक सद्दाम हुसैनलाई मानवता विरोधी अपराध गरेको अभियोगमा फाँसीको फैसला सुनाएका थिए । अपराध सम्बन्धी मुद्धा हेर्ने तत्कालीन इराकी ट्राइब्युनलका न्यायाधीशकोरुपमा रहमानले सद्दामलाई फाँसीको सजाए सुनाएका थिए ।
लडाकुहरुले उनलाई गत साता नियन्त्रणमा लिएका थिए । यद्यपी इराकी सरकारले भने रहमान मारिएको भन्ने दावीको पुष्टी गरेको छैन । रहमानलाई १८ जुनमा फाँसी दिइएको लडाकुको भनाइ छ ।
सद्दामलाई मार्ने अमेरिकी षडयन्त्रमा सघाएको बदलास्वरुप उनलाई मारिएको लडाकुहरुको भनाइ छ ।

सुन्नी लडाकुका उपप्रमुखकोरुपमा अघि आएका इज्जात इब्राहिम अल-दोउरीले फेसबुकमा रहमानलाई समातेर फाँसी दिइएको उल्लेख गरेका छन्
सन् २००३ मा इराक आक्रमण गरेपछि अमेरिकोका समर्थनमा इराकमा युद्ध अपराध सम्बन्धी अदालत बनाइएको थियो र रहमान त्यसका न्यायाधीश भएका थिए ।

अमेरिकाले सद्दाम हुसैनसँग आम विनाशका हतियार रहेको भन्दै इराक आक्रमण गरेको भएपनि सो कुरा भने पुष्टी हुन अहिले सम्म पनि सकेको छैन ।